Somari
Lenga
Cultura
Lenga
Cultura
"cu ten la lenga ten la clau"
Privilegiar lo niçard en l'ensenhament permete de parlar naturalament la lenga dau país, lenga istòrica, e viva.
Donar ai pichoi l'accès a la lenga e a la curtura dau país dont estàn li ajuda a plus ben acapir lo sieu environament natural e curtural, en la sieu realitat coma finda en lo sieu avenir.
La descuberta e lo conoissiment de la gent, de la curtura, de l'istòria dau país per la pràctica de la lenga son una riquessa e un factor d'estabilitat.
Son tanben una garantia per un bilenguisme eficaç perque es relacionat emb una realitat lenguística dau luec dont restan lu pichoi.
La lenga non solament es practicada en lo país mas es una clau per l'acapir. Lu noms de luecs coma de personas ne'n pòrtan lo testimòni.
La complicitat dau lengatge es un bòn mejan per renforçar lu víncolos entra li generacions.
La lenga e l'istòria niçarda pòdon ajudar a plus ben perceure lu estacs qu'existon embai nòstres vesins d'Itàlia.
Lo niçard coma part de l'ensem lenguistic occitan dona accès a una literatura dai grani.
Permete de comunicar en la lenga dau còr de tot lo miegjorn francés e un pauc mai e de comunicar d'aise embai país de lenga catalana, qu'embai país d'òc forman un gran espaci lenguistic que s'atròva pròpi au còr l'Euròpa latina.
La conoissiment e la mestresa dau niçard prepara a pus ben capir lo -vaste- monde de li lengas latini, e finda enlà. Es una clau per la transfrontalitat.
Calandreta es una pòrta duberta sus lo multilenguisme, sus l'inmensa riquessa de la diversitat curturala, sus lo respect de li diferéncias.