Cen que volèm.

• La lenga e lo sieu ensenhament non son dau domeni privat de la consciéncia de l'individuo, ò en tant, pas unicament. Concernon tota la societat. La lenga e son ensenhament non devon estre acantonats en aqueu domeni privat.
  Es per aquò que volem que l'estatut de li Calandretas sigue definit en l'encastre dau servici public.

• Mas pensam qu'aquest estatut dèu pilhar en compte li particularitats de li Calandretas.
  Calandreta es l'associacion de quatre paramètres tant importants lu unu coma lu autres :

  • la volontat d'ensenhar en la lenga per emparar embau metòde dau banh lenguistic bòna ora e de lònga.
  • de metòdes de pedagogia activa que lu efectius impausats per lo bilenguisme rendon possibles.
  • una implicacion e una participacion fòrti dai parents que pòrtan l'escòla embau ròtle fondamental de l'associacion dai parents.
  • una participacion de li collectivitats, en particular de li regions e dai despartaments per la sieu curtura específica.

• Per aquò faire, prepausam una "gestion mixta", que seria definida en un cadre legal coma un mòde dau servici public. Una lei seria pura necessària que formalizaria un ver partenariat que nen garde l'autonomia dau fonccionament.

• Nen cau pensar a'n una formula jurídica de "gestion mixta", e a'n una particion dai ròtles, per portar una oferta institucionala ai poder, tanben non semblesson radunidi li condicions polítiqui d'una tala lei, e se'n manca.

• Per aüra lo nòstre estatut es una traversa au bòn anar de li nòstri escòlas e au sieu espandiment.